May 1-3 tiang tuah ding mi tlangcung hriamtlai phu conference ah Kokang hriamtlai phu MNDAA, Rakhine hriamtlai phu AA le Taang hriamtlai phu TNLA hna sawm lo ding in kawl ralkap nih tuanvo ngeitu sin thawngthanh nak an tuah tiah UWSA aiawh biachim tu U Aung Myint nih RFA ah a chim.
Arakan Army(AA) le TNLA hi kawl ralkap nih Kokang hriamtlai phu a phomh lio ah bia tak tein a bawm tu an si. Rakhine ram zong ah AA le kawl ralkap cu an ni kap leng mang. TNLA zong kawl ralkap he tu le tu in an ni kap leng mang ve.
Mah hriamtlai phu 3 phung ning tein an ni tel khawh nak hnga ceihkhannak zong an ngei cuahmah lio a si i biakhiahnak bel tuah a si rih lo. Nain, mah hriamtlai phu 3 cu sawmnak caa kan kuat cang ko hna tiah U Aung Myint nih a chim. Phung ning tein an sawm mi phu 12 chungah mah phu 3 hi an ni tel ve ti nak a si.
No comments:
Post a Comment