Minung pakhat nih mawnghmi helicopter fa te Gyrocopter pakhat cu US Congress umnak Capitol inn pawng ah ruah lo piin a rak tla i Congress thin phang in a chiah hna, Capitol innpi pawng lam vialte zong an phih dih tiah BBC nih a thanh.
Mah helicopter a mawnghtu hi Florida um pilot thing Doug Hughes a si. Hiti Capitol innpi ah helicopter a tum ter hi ram khel pawl an eihmuar ning a duh lonak langhter a duh caah a si. 2013 zong ah khan Mr. Doug Hughes nih White House or Congress ah helicopter ka tum ter te lai a rak ti bal i Secret Service nih bia halnak zong an rak ngei cangmi a si tiah CNN nih a chim.
Mah capitol building pawngah hin vanlawng zuanter a ngah lo mi a si. Mr. Doug Hughes zong palik nih an kah deng mang. A tum lecang ka in an tlaih colh i tuhi thawng an thlak cang. Tlawmpal ah a bia an ceih te lai.
No comments:
Post a Comment