Czech President Nih US Ambassador A Inn Luh A Sianh Lo

President Zeman

Russia nih aralaimi May thla ah tuah a timh mi World War Two philh lonak ah Czech President kai a timh ve mi cu US Ambassador Schapiro nih a soisel ruangah Czech President Zeman a thin hung i President um nak Prague Castle ah 'luh ka sianh ti lo' a ti tiah BBC nih a thanh.

Prague Castle

Ukraine ram buainak hi Russia nih a chuahpi mi a si tiah vawlei cung hruaitu hna nih Russia an mawtchiat i a tu tan a tuah ding mi WW 2 philh lonak puai zongah hruaitu tampi kan kai lai lo an ti cang. EU ram in cun Czech Republic lawng nih hi puai ah i tel ve ai timh. A dang EU ram pawl nih Russia an huat tuk lio ah Czech nih hiti WW2 philh lo nak puai kai ai timh hi US Ambassador nih a soisel hi a si. 

Czech President Zeman hi Russia cung zangfahnak a ngei ngai tiin theih a si. US cozah tlaitu Democrats pawl he an ruahnak ai dang ngai leng mang. 

Hi kong he pehtlai in Czech ram um US Embassy nih cun zei hmanh an chim rih lo.