Nu lawngte in 42 le pa 2 nih ttialmi Chin Women International Megazine cu thaizing zarh in Malaysia ah zuar asi cang lai. Vawlei cung khuaza ramkip ah a ummi Chinnu chungin bochanmi hna nih ca tthattha an ttialmi relkhawh a si.
Hlan lio kan pi le chan ah rak bochanmi kan pi le hna (Interveiw) biahal lehnak zong a tel. Chinnu chungin Degree sangsang ngahmi le rian sangsang tlaimi hna zong mah Mekazin chungah hin theihhngalh khawh an si. Nu nih chuahmi asi caah chungkhar tthanchonak siseh, Nu vialte nih Kawlram chungin siseh, ramleng, ramttha ah Nu zeitluk indah covo ( Right) kan ngeih ti kha mah Mekazin chungah hin relkhawh a si. Chinnu chungin nuhrin covo kong a cawngmi nih Nu covo kong an ttialmi asi caah theih hrimhrim kan herh. Chinnu nungak cattail thiam hna nih ttialmi Biazai zong tampi relkhawh a si.
Saduhthah: Nu nih chuahmi asi caah Nu nih tam deuh kan rel a hau. Chinnu nih chuahmi asi caah azuar siseh, acawk siseh Nu hna nangmah keimah kan rian a si. Chinnu hna a lamkip in kan tthancho i hmunkhat le lungthinkhat in rianttuantti kan herh cang. Vawlei cungah nupa thleidannak aumti lo. Kan Bawipa Jesuh Khrih nih thleidannak hri a kan chahpiak cang. Nu zong nih ram hruaitu President an ttuan cang. Kanmah Chinnu chung zongin uknak le MP zong kan tling cang i fimcawnnak lei zong Ph.D degree tiang alami an tampi ve cang. Chinnu hna nih fak deuh in fimcawnnak ah ttanlak chinchin izaum hna usih.
Theihternak: Fellowship kip ah phawt khawh kan rak izuam te lai.
A man:Rm 15
Ramdang lei zong tlawmpal ah a rak phan ve lai.
Lawmhnak he,
Ngun Hlei Iang ( Joseph nu )
Kualalampur
Ph: 0172564102
No comments:
Post a Comment