Tuhi ni5 chung an ceih cang, an ceihmi Chapter 7 a um i 5 tiang an lim deng. Thaizing an ceih than rih lai. NCCT le UPWC hi voi7 an ni tong cang nain tutiang hi Chapter 5 ah an tap peng rih ko. Thazing nikhat ah cun Chapter 6 le 7 dih cikcek ding cu awl tuk dawh a si lo, voikhat tal cu i ton rih an hau men lai.
Hluttaw A Kai Ve Mi Kawl Ralkap An Piangthar Rua: Hriamtlai phu lawng si loin tlangcung mi party hna nih biatak tein an au pi lengmang mi central cozah le State cozah kar nawlngeihnak a herhzat in i cheu ding(power sharing),ramchung thil chuak zong i cheu rih ding(resource sharing) le tax hna i cheu ding timi upadi tuah ding ah ralkap MPs pawl nih Pyidawngsuh Hluttaw ah an chuah pi i doh tu um loin March 20 ah an fehter.BBC
Tlangcungmi nih kan herh bikmi pakhat a si mi power sharing le resource sharing kong ralkap nih Hluttaw ah an chuahpi hi khuaruah har ngai cu a si pah ve. Mah upadi a nun tikah ah cun tlangcungmi kan nawlngeihnak a tam deuh cang lai, kan ram chuak mi tete zong kan mah caah hman khawh deuh a si te lai.Leitang chuak mansung a ngei tu Kachin ca kau ah a tha khun lai dah.
Terrorist An Tih Ruangah US Ralkap Yemen Ram An Chuah Tak Lai: Yemen ralkap training a pe tu US ralkap 100 leng cu Yemen ram ah IS ralhrang le al-Qaeda ralhrang hna an tih hna ruangah Yemen ram chuah tak an timh cang.
Yemen ah hin IS zong an lor ngai cang,kan hnu ningani ah khan IS ralhrang nih muslim mosque an puah i minung 137 tiang an rak thi. Al-Qaeda zong nih US ralkap umnak pawng tiang an rak phan ti a si. Hiti IS le al-Qaeda an lor hi an tih caah hiti kir an timh a si. BBC
No comments:
Post a Comment