Ai Kalh Tuk Mi Economist Pawl Ruahnak

Sipuazi lei thiamsang pawl an ruahnak hi ai kalh ngai tawn, economics cu theory deuh in kal pi a si tikah science bantuk in a ho set dah a hman ti hi chim khawh le experiment tuah khawh a si lo. Cheu khat an ruahnak cu a kalh bak in ai kalh mi an um, cheukhat nih 'a nak' an ti lio ah adang cheukhat nih 'a rang' an ti ve. 


Classical Vs Keynesian Economists 
Classical economists pawl an ruahnak ah cun ram pakhat ah cozah nih rian ngei lo rate (unemployment rate) niam ter a duh tikah rian tuan tu an hlawh a thumh kho i minung tam deuh rian a pek kho hna lai an ti. Company pakhat nih thlahlawh $1,000 pek in minung 10 rian a tuan ter mi hna kha thla hlawh $900 lei thumh in minung 11 rian a pek kho hna.

Nain, Keynesian economists pawl an ruahnak ah cun hiti riantuan tu hlawh an thumh tikah mipi(riantuan tu telh in) phaisa an ngei mi a tlawm deuh cang i company thil chuak an cawk kho ti lo caah company thilchuak zong an zuar kho ti lo i cu ti cun rian ngei lo an karh chin chin an ti ve. Riantuan tu nih phaisa a zatawk an ngah hnu lawng ah company thil an cawk kho ding a si i company nih an thil an manh lawngah rian tuan tu hlawh an pek kho hna lai hlei ah riantuan tu thar zong an herh chap kho lai an ti. 

Kaphnih an ruahnak tuaktan tikah an hman ve ve ko in a lang. Cozah nih a ram si ning zoh pah in hi bantuk unemployment policy hi a ser tawn. I palh lo a biapi ngai mi a si. 

Minthang deuh classical economists hna cu Adam Smith le David Ricardo an si i John Maynard Keynes hi Keynesian economics a thawk tu a si.