A voi 3nk Tlangcung Media Civui pi, March 18-20, Hakha, Carson Hall ah ni thum chung minung 200 leng tuahmi nih Tlangcung media pawl thanchonak ding kong ah biathanh pahlei hnih a tanglei bantuk in March 20 chunhnu ah an tuah:
Rampi Cozah sin ah halmi-
1. Media hna i a tungtlaang pathum hna kha dirhthoh ding tuanvo hi cozah nih a ngeih bantuk in media riantuantu hna i an rian tlamtlinnak ding ah thapek ding.
2. Fehter cangmi media upadi ah aa telmi, thawnglatu hna i thawng laaknak nawl, thawng latu hna humhimnak le an zalonnak kha a tak in cozah nih pek ding.
3. Tlangcung media pawl hram feh nakding le thanchonak ding caah ramchung media ngan pawl zong nih kuttlaih in tuanti ding. Rampi le Ramkulh cozah nawlngeitu hna nih Tlangcung media thanchonak kha rian pakhat ah i chiah seh.
4. Tlangcung media thanchonak ding ah ca in chuahmi media pawl kha upadi ning bantuk in rian an thawk ka kum nga chung cu ngunkhuai zalonnak pek ding.
5. Tlangcung media thancho nakding ah media training hna, chawva lei dirkamhnak tuahpiak ding.
6. Tlangcung hmunhma ah community Radio (radio thawng thanhnak), Community TV (TV thawng thanhnak) hna rianrang tein a chuah khawh nakding upadi kha atu cozah nih a term dih hlan ah kan chuahpiak seh.
7. Media riantuantu pawl thahnak, tlaih i thong thlaknak, thawng laaknak nawl pek lo tibantuk kong ah, tutan Tlangcung Media Civui nih fakpi in kan ngaih a chia. Media riantuantu hna cung ah upadi lonh in tuahmi vialte kan doh.
8. Pyidaungsu Hluttaw nih Ramkulh chung Tlangcung media pawl kong upadi ser le tuah in fehter ding.
Ramkulh Cozah sin halmi
9. Tlangcung media cu Tlangcungmi hna thanchonak, Democracy thancho nakding a biapit caah tuanchuah piak ding in hi media civui nih fakpi in kan hal.
10. Ramkulh cozah nih mah le hmun um media riantuantu hna kha an himnak ding le thawng an laak tikah thleidannak um lo in thawng laakter ding.
11. Ramkulh le Ramthen hmun pawl ah ca namnak seh (press) chiahpiak le man fawi in hmannak nawl pek ding.
Ramkip bawmchantu hna cung ah ruahnak
12. Media ngan (mainstream media) pawl le ramkip in bawmchantu (donors) hna nih Tlangcung media pawl thancho nakding caah chawva lei bawmhnak, thiamnak lei thancho nakding tintan hna bawmh ding.
Cozah Press Council (Sanezin Council) sin halmi
13. Cozah Sanezin Council ah Tlangcung media riantuantu pawl buaktlak deuh in i tel khawh ve nakding.
14. Tlangcung media pawl thancho nakding zapi kuttlai in riantuan ding.
A voi 3nk Tlangcung Media Tawlreltu Committee
Hakha, March 20
Ref:The Hakha Post
No comments:
Post a Comment