China ram sipuaizi GDP cu nikum first quarter(Jan-March) nak in tukum first quarter ah 7% lawng a ngan deuh, hihi 2009 hnu in a nuar bik a si tiah CNN Money nih a thanh.
China sipuazi hi nikum thawk in a hung nuar deuh ngai. Nikum kha 7.5% in a ngan deuh lai tiin an rak ruah nain 7.4% lawng a rak phan. Hihi 1990 hnu China sipuazi a than cho a nuar bik kum a si. A fawinak nak in chim ah cun, China cu kum khat hnu kum khat 7.4% tal in a rum deuh leng mang ko ti nak a si.
GDP kum khat ah 7.4% a ngan deuh cu a dang ram thawng US tibantuk nak in a rang deuh tuk rih ko ti nak a si. 2014 chung US sipuazi GDP kha 2.2% lawng in a rak ngan deuh, UK hi 2.6% in a ngan deuh ve. US le UK tibantuk kum khat ah 2.2% or 2.6% in an rum deuh lio ah China cu 7.4% in a rum deuh peng ko ti nak a si.
No comments:
Post a Comment