Tunai ah khan US White House nih Cuba ram 'black list' min cazin in kan chuah cang lai tiin an fehter,hihi Cuba hrinsor a si hlei ah 2016 US President ai cuh dingmi Mr. Marco Rubio nih a duh lo i fak ngai in a soisel hna tiah BBC nih a thanh.
Cuba hi North Korea hriamnam a bawmtu zong a si hlei ah sual nak ngei lo US palik zong New Jersey ah a rak thah tu a si,hiti 'black list' in an chuah hi a dik lo a ti hna.
Cuba hi 1959 ah revolution an rak tuah hnu in US ral a rak si mi Soviet Union he a rak tangti mi a si. US nih Iran, Sudan le Syria tluk in 'tih nung mi ram, ralhrang a bawm tu ram' tiin blacklist ah a chiah mi an si.
White House nih blacklist in a chuah si ah cun ram hnih kar pehtlai nak a fek deuh ngai cang lai. Embassy zong kap hnih ram ah awn an timh cang.
Mr. Marco Rubio cu Cuba hrinsor a si nain Cuba cung dawtnak a ngei lo ngai ti awk in a um, US thisa tak tak a ngei cang ti nak a si.
No comments:
Post a Comment